- ഡോ. ജമാലുദ്ദീന്‍ ഫാറൂഖി പ്രസിഡന്റ്, ഡോ. എ കെ അബ്ദുല്‍ഹമീദ് മദനി ജന.സെക്രട്ടറി, ഡോ. പി എം മുസ്തഫ സുല്ലമി ട്രഷറര്‍
കോഴിക്കോട്: കേരള ജംഇയ്യത്തുല്‍ ഉലമയുടെ പുതിയ ഭാരവാഹികളെ തിരഞ്ഞെടുത്തു. ഡോ. കെ ജമാലുദ്ദീന്‍ ഫാറൂഖിയാണ് പ്രസിഡന്റ്. ഡോ. എ കെ അബ്ദുല്‍ഹമീദ് മദനി ജന.സെക്രട്ടറിയും ഡോ. പി എം മുസ്തഫ സുല്ലമി ട്രഷററുമാണ്.
പി അബ്ദുല്‍അലി മദനി, കെ സി സി മുഹമ്മദ് അന്‍സാരി, പ്രഫ. ശംസുദ്ദീന്‍ പാലക്കോട്, ഡോ. ടി പി എം റഷീദ്, കെ എന്‍ സുലൈമാന്‍ മദനി (വൈ.പ്രസിഡന്റ്), പ്രഫ. അലിമദനി മൊറയൂര്‍, പ്രഫ. കെ പി സകരിയ്യ, അബ്ദുസ്സലാം പുത്തൂര്‍, പ്രഫ. അഷ്‌റഫ് പട്ടിത്തറ, ഡോ. സി മുഹമ്മദ് അന്‍സാരി, കെ എം കുഞ്ഞമ്മദ് മദനി (സെക്രട്ടറി) എന്നിവരാണ് മറ്റു ഭാരവാഹികള്‍.
പ്രഫ. എ അബ്ദുല്‍ ഹമീദ് മദീനി ചെയര്‍മാനും സി പി ഉമര്‍ സുല്ലമി, ഡോ. ഇ കെ അഹ്മദ് കുട്ടി, സി എം മൗലവി ആലുവ, എം അഹ്മദ് കുട്ടി മദനി, മൊയ്തീന്‍ സുല്ലമി കുഴിപ്പുറം അംഗങ്ങളായും അഡൈ്വസറി ബോര്‍ഡും രൂപീകരിച്ചു.
പ്രസിഡന്റായി തെരഞ്ഞെടുക്കപ്പെട്ട ഡോ. കെ ജമാലുദ്ദീന്‍ ഫാറൂഖി മുട്ടില്‍ ഡബ്ല്യു എം ഒ കോളജ് റിട്ട. പ്രിന്‍സിപ്പലും എഴുത്തുകാരനും പ്രഭാഷകനുമാണ്. ജന. സെക്രട്ടറി ഡോ. എ കെ അബ്ദുല്‍ഹമീദ് മദനി കടവത്തൂര്‍ എന്‍ ഐ എ കോളജ് റിട്ട. പ്രിന്‍സിപ്പലും എഴുത്തുകാരനുമാണ്. ട്രഷറര്‍ ആയി തിരഞ്ഞെടുക്കപ്പെട്ട ഡോ. മുസ്തഫ സുല്ലമി എറണാകുളം മഹാരാജാസ് കോളേജ് അറബിക് വിഭാഗം റിട്ട. തലവനും പരിസ്ഥിതി പക്ഷിശാസ്ത്ര ഗവേഷകനും ഭാഷാ പണ്ഡിതനുമാണ്.
കൗണ്‍സില്‍യോഗം കെ എന്‍ എം മര്‍കസുദ്ദഅ്‌വ സംസ്ഥാന പ്രസിഡന്റ് സി പി ഉമര്‍ സുല്ലമി ഉദ്ഘടാനം ചെയ്തു. ഡോ. ഇ കെ അഹ്മദ് കുട്ടി തെരഞ്ഞെടുപ്പ് നിയന്ത്രിച്ചു. കെ എം കുഞ്ഞമ്മദ് മദനി, എന്‍ എം അബ്ദുല്‍ജലീല്‍, ഡോ. ഇര്‍ഷാദ് ഫാറൂഖി, മര്‍യക്കുട്ടി സുല്ലമിയ്യ, ഫഹീം പുളിക്കല്‍, ഡോ. എ കെ അബ്ദുല്‍ഹമീദ് മദനി, കെ എന്‍ സുലൈമാന്‍ മദനി, ഡോ. മുസ്തഫ സുല്ലമി കൊച്ചിന്‍ പ്രസംഗിച്ചു.