എല്ലാ ആരാധനാ കര്‍മങ്ങള്‍ക്കുമെന്ന പോലെ ഉദ്ഹിയ്യത്തിനും നിയ്യത്ത് നിര്‍ബന്ധമാണ്. ഈ ബലിപെരുന്നാളിന് ഒരു ആട്, അല്ലെങ്കില്‍ മാട്, അല്ലെങ്കില്‍ മാടില്‍ ഒരു ഓഹരി അല്ലാഹുവിന്റെ പ്രീതിക്കായി ബലി നടത്തുന്നു എന്ന ബോധം കൃത്യമായുണ്ടാവുക.
ദീര്‍ഘകാലത്തെ കാത്തിരിപ്പിനു ശേഷം ലഭിച്ച പ്രിയപ്പെട്ട മകന്‍ ഇസ്മാഈലിനെ(അ) ബലിയറുക്കാന്‍ അല്ലാഹു സ്വപ്‌നത്തിലൂടെ അരുളിയപ്പോള്‍ ആ കല്‍പന അനുസരണയോടെ ഇബ്‌റാഹീം നബി(അ) സ്വീകരിച്ചു. കുട്ടിയുടെ കഴുത്തില്‍ കത്തിവെച്ച ഘട്ടത്തില്‍ ആ വലിയ പരീക്ഷണത്തില്‍ അദ്ദേഹം വിജയിച്ചുവെന്ന സന്തോഷവാര്‍ത്ത അല്ലാഹു അറിയിച്ചു.