പുതിയ സാമൂഹ്യ ശാസ്ത്ര പാഠപുസ്തകങ്ങള്‍ ഓഡിറ്റ് ചെയ്യപ്പെടുന്നു

കുട്ടികളും അധ്യാപകരും പാഠ്യപദ്ധതിയും രക്ഷിതാക്കളും സമൂഹവുമുള്‍പ്പെടുന്ന സമഗ്രമായ പ്രക്രിയയാണ് വിദ്യാഭ്യാസം. ഇവയില്‍ ഏതെങ്കിലുമൊന്നിനെ മാറ്റിനിര്‍ത്തി വിദ്യാഭ്യാസത്തെ വിലയിരുത്താനാവില്ല. കുട്ടി പഠിക്കേണ്ടത് എന്താണെന്നും എന്തിനാണ് പഠിക്കേണ്ടതെന്നും എങ്ങനെയാണ് പഠിക്കേണ്ടതെന്നും പഠിച്ചത് വിലയിരുത്തേണ്ടതെങ്ങനെയാണെന്നും തീരുമാനിക്കുന്നത് പാഠ്യപദ്ധതിയാണ്. മറ്റെന്തെല്ലാം പഠനസഹായികളുണ്ടെങ്കിലും, ഇക്കാലത്തും പാഠ്യപദ്ധതിയുടെ ഏറ്റവും പ്രധാനപ്പെട്ട ഘടകം പാഠപുസ്തകങ്ങളാണ്.